ونزل - ديبو - من عفيطة قادما من دير عطية.
وهو يحمل شنطة سوداء في كتفه.
سنون ....سنون ....سنون....
وهي كلمة مألوفة في البوكمال تعني
ان المنادي هو دكتور اسنان قرباطي متجول .
احلامه بسيطة..
..واسعلره رخيصة..وادويته بدون تكلفة.
ليس له شهادة جامعية ولاحتى هوية شخصية.
يعيش فوق التراب.
يأكل الخبز...ويشرب الشاي
وبعدها يقوم بتجهيز الشنطة لغزو
الاسواق والمقاهي والحارات.
رأيته في قهوة البلدية بالبوكمال
ودار بيننا الحوار التالي:
- ول ها وين يا ديبو تعال تا نشوف
- السلام عليكم
- هلا ديبو ...شلون الشغل؟
- كويس...وينك انت ما تبين ؟
- تراني هون شوفة عينك
خيو ...الله يرحم روح جدك المدفون بجبال
الكاربات في روسيا تعال شوف سنوني.
- شو فيهن ؟؟؟بس ما يكونوا خربانات ؟؟
- العمى .. مو بس خربانات .
.صايرات نكت من كثر ما أشرب موند.
- افتاح تمك لشو؟
ثم أغمض احدى عينيه الزرقاوين وفتح
الاخرى لفحص أسناني بخبرته الطويلة..
وصفر صفرة طويلة وقال :
- لك منيح اللي تءدر
بتاكل وسنانك مهرورة هر.
ضحكت وقلت له :
- الحزلا تقوم تعطيني محاضرة بطب الاسنان..
...هات من اولها...كم يكلفني صنع جسر
حديدي يربط ثلاثةاسنان مع بعضها ؟؟
- هاي بتكلفك تلات الاف ليرة
- يخرب بيتك شو انت نصاب,,,
,,ثلاثة الاف ؟؟؟؟؟؟
- لك شو مفكرني جايب المواد
من سوق قميلا بحلب ؟؟؟
الله وكيلك كلو افرنسي.
-هههههههههههه.....يول يا ديبو خاف من ربك
..بالطلاق كل بضاعتك والقواطي
وعظام الجحاش من الخرايب..
ليش ما الله يهديك وتسوي الجسر ب300 ورقة ؟
- لك شو 300 ؟
والله ما خرجكن الا دكاترة العيادات
يهرو جلودكن هري.
ساويهن عالاقل 500 ليرة...- .
- 300 وقرش احمر فوقهن ما بي.
يا عد .....يا مد.
قال:
- توكلنا على الله
واخرج من شنطته ما لذ وطاب
من اخر تقنيات الخرايب.
بنسات....قطرميزات....خلطات جبصين...
وبسرعة فائقة.....فتح فمي واحضر
القالب لتجهيز الخلطة الفرنسية...
جحشومايسين +
عظام كر سيكلين +
دهن المشح+
قطن دواشق+
بسامير كلشان+
- وبعد الانتهاء من الخلطة قال ديبو:
-رص اسنانك قد ما فيك حتى ينزل القالب
وما يتحرك طول عمرو.
ونزل اخوالحفيانة في فمي يا هالك يا مالك : م
ابن الحرام مو مصدق على الله يستلم ال300
- لك كز كمان....كز كز
وبعدها:
- لك علي الحلال من هون لسنتين
ازا تحركوا الك مني عشر تالاف ليرة
الله وكيلك هاي خلطة فرنسية اتحدى
كل دكاترة سوريا ازا حدا في عندو منها.
ووضع ال300 ليرة في جيبه
واندحس في السوق ياحثا عن فريسة ثانية
مرت ستة اشهر والجسر صامد.
وفي يوم من الايام انثقب سن الحديد وبدأت السوائل
والاحماض تدخل الى جوف السن.
انهبلت من الوجع.
وكان لي ابن عم اسمه - رزاق المولود -
قلت له:
هات هات ابو ابراهيم عدة هالطرطورة..
قال : ليش ؟
قلت :
الحز تعرف.
ففتح العدة واخذت منها البنسة
ووضعتها على الجسر في فمي وقلت له :
اسحب.
وبعد لحظات .كان جسر القرباطي
المكفول لمدة سنتين في نفس الخرابة التي التقطه منها.
سعيد الرجيب
موضوع: جحشومايسين 
الثلاثاء ديسمبر 01 2009, 06:50
